«Հ.Մ.Ը.Մ.Ի ԵԿԱՄՏԱԲԵՐ ՀԻՄՆԱԴՐԱՄ»
«Հ.Մ.Ը.Մ.ի Եկամտաբեր Հիմնադրամ»ը հիմնուած է Մայիս 2019-ին։ Հիմնադրամին գումարները անձեռնմխելի են։ Կարելի է շահարկել տոկոսները միայն։
«Հ.Մ.Ը.Մ.ի Եկամտաբեր Հիմնադրամ»ը կը գործէ Հ.Մ.Ը.Մ.ի Կեդրոնական Վարչութեան կողմէ նշանակուած յատուկ յանձնախումբով մը։ Հիմնադրամը ունի իր ներքին կանոնագրութիւնը եւ Արեւելեան Մ. Նահանգներու մէջ արձանագրուած է իբրեւ ոչ-շահութաբեր կազմակերպութիւն (Non profit corporation), Homenetmen Inc. անունով եւ հարկերէ զերծ կացուցուած ըլլալու կարգավիճակով։
Հիմնադրամը Նոյեմբեր 2023-ին կոչուեցաւ «Հ.Մ.Ը.Մ.ի Ժիրայր Սարգիսեան Եկամտաբեր Հիմնադրամ», ի յիշատակ Կեդրոնական Վարչութեան նախկին անդամ եղբ. Ժիրայր Սարգիսեանի, որ 50 հազար տոլարի նուիրատուութեամբ եղաւ Հիմնադրամին առաջին նուիրատուն։ Հետագային, իր մահուան առիթով, Հիմնադրամին կատարուեցաւ 30 հազարի նոր նուիրատուութիւն։ Հիմնադրամը հարստացաւ նաեւ այլ նուիրատուութիւններով։
«Հ.Մ.Ը.Մ.ի Եկամտաբեր Հիմնադրամ»ին նուիրատուութիւններ կարելի է կատարել հետեւեալ կապով.-
https://www.homenetmen.org/donate/