ԱՄՓՈՓՈՒԻԼ ԵՒ ԻՆՔՆԱՔՆՆՈՒԹԻՒՆ ԸՆԵԼ
<p>Հայ Մարմնակրթական Ընդհանուր Միութեան 19 Շրջանային եւ Մեկուսի շրջաններու դիւանները եւ Կեդրոնական Վարչութեան կազմը կը գտնուինք Երեւան՝ կատարելու համար Հ.Մ.Ը.Մ.ի միջ-դիւանական 11-րդ խորհրդաժողովը։ </p><p> Երբ Եռաբլուր ենք՝ հայոց աշխարհի սրբագոյն վայրը, պէտք է լուռ մնալ։ Հոս՝ մենք ուխտաւորներս ըսելիք չունինք։ </p>
<p> Հոս, նահատակ հերոսները իրենց անխօսութեամբ կը թելադրեն ամէն բան։</p>
<p> Մենք կրնանք ամփոփուիլ եւ ինքնաքննութիւն ընել.- </p>
<p> - Արդեօ՞ք մեր նպատակային ուղղութիւնը նոյնն է եւ զայն տակաւին միասին կը կտրենք, մենք կենդանի, իսկ իրենք սաւառնող հոգիներ, մեզի հովանի ու պահապան»։</p>
<p> - Հաւատարի՞մ ենք մէկուկէս միլիոն ցեղասպանուած նահատակ ու սրբադասուած մեր զոհերու արեան կանչին։ Պահանջատէ՞ր ենք Ցեղասպանութեան ճանաչման եւ հատուցումին։ </p>
<p> - Ազատ, անկախ, միացեալ ու ամբողջական Հայաստանի իրագործումին հաւատացող ու ձգտող աննահանջ երդուեալներու կամաւոր բանա՞կ ենք։ </p>
<p> Եթէ հաստատ ենք մեր ուխտին, եւ մեր նպատակը անփոփոխ կը մնայ, աննենգ ենք սերունդներու կանչին, մեկնարկենք խորհրդաժողովը մեր քայլերգին կատարումով։</p>
