ԵՂԲ. ՎԱՉԷ ԾԱՏՈՒՐԵԱՆ ՀԵԾԵԼԱՐՇԱՒԻ ԱՍԻՈՅ ՖԵՏԵՐԱՍԻՈՆԻ ԹԵՔՆԻՔ ՏՆՕՐԷՆ
10 Յունիս 2025-ին, եղբ. Վաչէ Ծատուրեան նշանակուեցաւ հեծելարշաւի Ասիոյ ֆետերասիոնի թեքնիք տնօրէն:
Եղբ. Ծատուրեան, որ ֆրանսախօս երկիրներու հեծելարշաւի ֆետերասիոնին նախագահն է, նոր պաշտօնին նշանակուեցաւ հեծելարշաւի աշխարհին մէջ իր լայն փորձառութեան համար: Եղբօր պարտականութիւններէն մէկն է հեծելարշաւի մարզաձեւի զարգացման քայլերու դիմել՝ թեքնիք սեմինարներ կազմակերպելով վարչական եւ կազմակերպչական բարելաւումներու համար:
Այս առիթով, հեծելարշաւի Ասիոյ ֆետերասիոնը կոչ ուղղեց իրեն մաս կազմող 45 երկիրներու ֆետերասիոններուն համագործակցելու եղբ. Ծատուրեանի հետ` լաւագոյն արդիւնքներու հասնելու համար:
Նշենք, որ եղբ. Վաչէ Ծատուրեան տարիներով գլխաւորած է Լիբանանի հեծելարշաւի ֆետերասիոնը: Ան ախոյեան մարզիկ է` մեծ թիւով ախոյեանական տիտղոսներ շահած է, ապա վարչական գործեր ստանձնած է` լքելէ ետք մարզական իր ասպարէզը: Ան մասնակցած 1992-ի ամառնային ողիմպիական խաղերուն: