ԼԻԲԱՆԱՆԻ ԵՐԻՏԱՍԱՐԴՈՒԹԵԱՆ ԵՒ ՄԱՐՄՆԱԿՐԹՈՒԹԵԱՆ ՆՈՐ ՆԱԽԱՐԱՐԻՆ ՇՆՈՐՀԱՒՈՐԱԿԱՆ ԱՅՑԵԼՈՒԹԻՒՆ
Հ.Մ.Ը.Մ.ի Լիբանանի Շրջանային Վարչութիւնը, Շրջանային Սկաուտ. Խորհուրդը եւ Խմբապետութիւնը ներկայացնող պատուիրակութիւն մը, գլխաւորութեամբ Շրջանային Վարչութեան ատենապետ Եղբ․ Վահան Համամճեանի, 11 Մարտին այցելեց եւ շնորհաւորեց Լիբանանի երիտասարդութեան եւ մարմնակրթութեան նոր նախարար՝ դոկտ. Նորա Պայրագտարեանը, անոր մաղթելով յաջողութիւն։
Պատուիրակութիւնը նախարար Պայրագտարեանին ներկայացուց վարչութեան եւ միութեան տասը մասնաճիւղերուն գործունէութիւնն ու ծրագիրները Լիբանանի զանազան շրջաններուն մէջ, ինչպէս նաեւ անդրադարձաւ միութիւնը մտահոգող ընդհանուր հարցերուն։
Այցելութեան աւարտին, եղբ․ Համամճեան նախարարին յանձնեց յուշանուէր մը, որ կը ներկայացնէ Լիբանանի քարտէսը եւ կ’ընդգրկէ Հ.Մ.Ը.Մ.ի Լիբանանի 10 մասնաճիւղերը՝ իրենց հիմնադրութեան թուականներով։