Հ.Մ.Ը.Մ.Ի ԵՐՈՒՍԱՂԷՄԻ ՄԵԿՈՒՍԻ ՇՐՋԱՆԻՆ ԱՆԴԱՄԱԿԱՆ 79-ՐԴ ԸՆԴՀԱՆՈՒՐ ԺՈՂՈՎԸ
Շաբաթ, 26 Ապրիլ 2025-ին գումարուեցաւ Հ.Մ.Ը.Մ.ի Երուսաղէմի Մեկուսի շրջանի անդամական 79-րդ Ընդհանուր Ժողովը, ներկայութեամբ Հ.Մ.Ը.Մ.ի Կեդրոնական Վարչութեան ներկայացուցիչ եղբ. Ֆէտի-Խաժակ Գազանճեանի եւ 48 միութենականներու։
Անդամական Ընդհանուր Ժողովին դիւանի անդամներ ընտրուեցան եղբ. Յակոբ Սեւան՝ ատենապետ եւ քոյր Շողիկ Տէմիրճեան՝ ատենադպիր։
Ժողովը ընթացք առաւ մէկ վայրկեան լռութեամբ՝ առ ի յարգանք մեզմէ բաժնուած Հ.Մ.Ը.Մ.ականներու։
Ընթացաւարտ վարչութիւնը իր երկամեայ տեղեկագիրը ներկայացուց ընթերցումով եւ տեսերիզով, ապա ներկայացուց իր նիւթական տեղեկագիրը։
Ներկաներուն հարցումներէն եւ քննարկումներէն ետք, վարչութիւնը աւարտեց պաշտօնավարութեան իր ժամանակաշրջանը։
Կատարուեցան նորընտիր վարչութեան առաջարկներ, իսկ ժողովի աւարտին հետեւեալները երկու տարուան ժամանակաշրջանի համար ընտրուեցան մասնաճիւղի նոր վարչութեան անդամներ.- քոյր Թամար Կիրակոսեան, եղբայրներ Վազգէն Տէմիրճեան, Ճան Տէմիրճեան, Գէորգ Թաշճեան, Պէնօ Մինասեան, Ռաֆֆի Եզեկէլեան եւ Աբօ կիրակոսեան։
Հ.Մ.Ը.Մ.ի Կեդրոնական Վարչութեան ներկայացուցիչին փակման խօսքով եւ Հ.Մ.Ը.Մ.ի քայլերգով ժողովը աւարտեցաւ։
Ապա, նորընտիր վարչութիւնը, ներկայութեամբ Կեդրոնական Վարչութեան ներկայացուցիչին եւ ժողովի դիւանին, իր դիւանը ընտրեց հետեւեալ ձեւով.-
Ատենապետ- Վազգէն Տէմիրճեան
Ատենադպիր- Թամար Կիրակոսեան
Գանձապահ- Ճան Տէմիրճեան։
Նոյն նիստին կազմը եղբ. Զօհրապ Գրիգորեանը նշանակեց մարզական յանձնախումբին մօտ ներկայացուցիչ։