Հ.Մ.Ը.Մ.Ի ԿԵԴՐՈՆԱԿԱՆ ՎԱՐՉՈՒԹԵԱՆ ՆԵՐԿԱՅԱՑՈՒՑԻՉԻՆ ՀԱՆԴԻՊՈՒՄԸ Հ.Մ.Ա.Կ.Ի ԿԵԴՐՈՆԱԿԱՆ ՎԱՐՉՈՒԹԵԱՆ ՀԵՏ
Հ.Մ.Ը.Մ.ի Կեդրոնական Վարչութեան անդամ քոյր Սանտրա Վարդանեան այցելեց Իրան եւ ներկայ գտնուեցաւ Թեհրանի Հայ Մշակութային «Արարատ» Կազմակերպութեան՝ Հ.Մ.Ա.Կ.ի 80-ամեակի յոբելենական հանդիսութեան, որուն ընթացքին ան արտասանեց ողջոյնի խօսք։
Հանդիսութեան առընթեր, քոյր Վարդանեան ներկայ գտնուեցաւ Հ.Մ.Ա.Կ.ի Կեդրոնական Վարչութեան նիստին:
Նիստին ընթացքին երկուստեք խօսուեցաւ երկկողմանի յարաբերութիւններու մասին ընդհանրապէս եւ սկաուտական աշխատանքներու մասին մասնաւորապէս։ Քննարկուեցաւ նաեւ Հ.Մ.Ա.Կ.ի մասնակցութիւնը յառաջիկայ ամրան տեղի ունենալիք համա-Հ.Մ.Ը.Մ.ական 12-րդ մարզախաղերուն, Հայաստան:
Միտքերու փոխանակում կատարուեցաւ յիշեալ մարզերու գործակցութեան կարելիութիւններու շուրջ:
Այս առիթով Հ.Մ.Ը.Մ.ի Կեդրոնական Վարչութեան ներկայացուցիչը Հ.Մ.Ա.Կ.ի նախագահ Սոֆի Ջաղարբէգեանին փոխանցեց յուշանուէր մը: Իր կարգին, Հ.Մ.Ա.Կ.ի Կեդրոնական Վարչութիւնը քոյր Վարդանեանին յանձնեց միութեան 80-ամեակի յուշանուէրը: