Հ.Մ.Ը.Մ.Ի ՏԵՂԵԿԱՏՈՒԱԿԱՆ ԸՆՏԱՆԻՔԻՆ ՆՈՐՈՒԹԻՒՆԸ՝ ԵՐԿԼԵԶՈՒ Ե-ԼՐԱՏՈՒՆ
Հ.Մ.Ը.Մ.ի հանրային կապերու գրասենեակին նախաձեռնութեամբ, 15 Ապրիլի 2025-ին, համա-Հ.Մ.Ը.Մ.ական 12-րդ մարզախաղերէն 100 օր առաջ, 22 հազար հասցէատիրոջ ուղղուեցաւ Հ.Մ.Ը.Մ.ի ե-լրատուին առաջին թիւը, որ ընդգրկեց ընդհանուր տեղեկութիւններ՝ Հայաստանի մէջ տեղի ունենալիք համա-Հ.Մ.Ը.Մ.ական 12-րդ մարզախաղերուն մասին։
Յայտնենք, որ ե-լրատուն երկլեզու է (հայերէն-անգլերէն) եւ Ապրիլէն սկսեալ ամսական դրութեամբ կը յղուի Հ.Մ.Ը.Մ.ի բարեկամական լայն շրջանակին, բարերարներու, մամլոյ ներկայացուցիչներու, ազգային հաստատութիւններու եւ միութենական քոյր-եղբայրներու։ Ե-լրատուին Մայիս եւ Յունիս ամիսներու թիւերը յատկացուեցան Հ.Մ.Ը.Մ.ն նաւապտոյտին եւ Հ.Մ.Ը.Մ.ական ֆոնտերուն։
Ե-լրատուն ստանալու համար կարելի է այցելել https://homenetmen.org կայքէջը, արձանագրել ե-նամակի ձեր հասցէն եւ սեղմել subscribe կոճակը։
Բարի՛ երթ Հ.Մ.Ը.Մ.ի ե-լրատուին, որ կու գայ միանալու միութեան տեղեկատուական օրէ օր մեծցող ընտանիքին՝ պաշտօնաթերթին, կայքէջին, ընկերային ցանցերուն եւ առցանց հարթակներուն։