Հ.Մ.Ը.Մ. ԱՐՑԱԽԻ Ա. ԿԱՐԳԻ ՍԵՄԻՆԱՐԸ ՀԱՍԱՒ ՏՐԱՄԱԲԱՆԱԿԱՆ ԻՐ ԱՒԱՐՏԻՆ
Այս ամէնի ետեւում 9 ամիսների քրտնաջան եւ մանրակրկիտ աշխատանքն է, որի ընթացքում մեր պատասխանատուները միասնաբար անցել են տարբեր փորձութիւններով եւ յաղթահարել դրանք՝ մէկը միւսին օգնելով։
Սեմինարի ընթացքում պատասխանատուները իւրացրել են բոլոր դասախօսութիւնները եւ յանձնել քննութիւն, որի արդիւնքների հիման վրայ էլ ստացել են կարգը։
Սեմինարի գործնական մասը ամփոփել են «Հայկ Յովսէփեան» բանակավայրում, որտեղ էլ տեղի է ունեցել Ա. կարգը յանձնելու արարողութիւնը։ Արարողութեանը ներկայ էին Հ.Մ.Ը.Մ.ի Կենտրոնական Վարչութեան անդամ քոյր Սանտրա Վարդանեանը եւ Արցախի մեկուսի շրջանի վարչութեան անդամները։
Ուզում ենք շնորհակալութիւն յայտնել քոյր Մարօ Քէշիշեանին, ում հետ անցել ենք սեմինարի տեսական մասը, եղբայր Սեւակ Նազարեանին, ում հետ անցել ենք գործնական մասը եւ Հ.Մ.Ը.Մ.-Հ.Ա.Ս.Կ.ի «Վահան Չերազ» մասնաճիւղի աստիճանաւորներին, ովքեր աջակցել են գործնական փուլում։
Շնորհաւորում ենք բոլորին։
