Հ.Մ.Ը.Մ. ՎԱԼԱՆՍԻ ՍԿԱՈՒՏՆԵՐՈՒ ԽՈՍՏՄԱՆ ԱՐԱՐՈՂՈՒԹԻՒՆԸ
Շաբաթ, 5 Ապրիլին, Հ.Մ.Ը.Մ.ի Վալանսի սկաուտները իրենց խոստման արարողութիւնը կատարեցին մասնաճիւղին տարեկան խրախճանքին ընթացքին, որուն ներկայ գտնուեցան Հ.Մ.Ը.Մ.ի Կեդրոնական Վարչութեան անդամ եղբ. Սեւակ Թորոսեան։
Մօտ քառասուն սկաուտներ մասնակցեցան խրախճանքին բացման արարողութեան, ինչ որ եղաւ տարուան կարեւոր պահերէն մէկը։ Քսան սկաուտներ ստացան իրենց փողկապները եւ վկայագիրները՝ անցնող տարուան ընթացքին իրենց ցուցաբերած նուիրումին եւ անխոնջ աշխատանքին համար։
Մեծ շնորհակալութիւն բոլոր անոնց, որոնք մասնաճիւղին աջակցեցան, մասնաւորաբար՝ ծնողներուն, որոնք հպարտօրէն ներկայ եղան իրենց զաւակներու միութենական կեանքի նշանակալից այս արարողութեան։
