Հ.Մ.Ը.Մ.Ի ԱՒՍՏՐԱԼԻՈՅ ԱՂՋԿԱՆՑ ՊԱՍՔԵԹՊՈԼԻ ԽՈՒՄԲԸ ՉՅԱՋՈՂԵՑԱՒ ԱԽՈՅԵԱՆՈՒԹԵԱՆ ԲԱԺԱԿԸ ՊԱՀԵԼ ԻՐ ՄՕՏ

12 տարի ետք, Հ.Մ.Ը.Մ.ի Արեւմտեան Մ. Նահանգներու աղջկանց պասքեթպոլի խումբը յաջողեցաւ համա-Հ.Մ.Ը.Մ.ական մարզախաղերու բաժակը վերադարձնել իր շրջան, երբ «գահընկէց» ըրաւ նախորդ մարզախաղերու ախոյեան Աւստրալիոյ խումբը, աւարտականին յաղթեց անոր եւ չորսի բարձրացուց համա-Հ.Մ.Ը.Մ.ական իր տիտղոսներուն թիւը (1997, 2005, 2013, 2025)։
«Ոսկեայ եռեակը» մնաց նոյնը՝ Արեւմտեան Մ. Նահանգներ, Աւստրալիա, Լիբանան։ Չորս տարի առաջ, դասաւորումը Աւստրալիա, Լիբանան, Արեւմտեան Մ. Նահանգներ էր։ Այս անգամ մետալակիր երրորդութիւնը կազմեցին Արեւմտեան Մ. Նահանգներ, Աւստրալիա, Լիբանան։

2017-ի ախոյեան Հ.Մ.Ը.Մ.-Հ.Ա.Ս.Կ.ի աղջկանց խումբը բացակայ էր այս մարզախաղերուն, մինչ առաջին մարզախաղերու ախոյեան (1981) Լիբանանի աղջկանց խումբը ներկայացած էր համեմատաբար նորեկներով։

Աւստրալիա, անցեալ անգամուան նման, ներկայ էր երկու խումբով։ Չորս տարի առաջ, Աւստրալիոյ առաջին խումբը եղաւ ախոյեանութեան անակնկալը, երբ յաջողեցաւ պարտութեան մատնել տիտղոսին գլխաւոր թեկնածուն՝ Արեւմտեան Մ. Նահանգները։ Այս անգամ, Աւստրալիոյ երկրորդ խումբը չյաջողեցաւ կրկնել 2022-ի յաջողութիւնը։ Առաջին հանգուանին, իր խմբակին մէջ միայն երկու կէտով տեղի տալէ ետք Արեւմտեան Մ. Նահանգներու խումբին դէմ (55-57)։ Աւարտականին ան չտոկաց իրմէ փորձառու եւ հզօր խումբին դէմ, 73-48 արդիւնքով պարտութիւն մը կրելով անկէ։

Աղջկանց պասքեթպոլի մրցումները կատարուեցան «ՄԻԿԱ»ի դաշտին վրայ, մասնակցութեամբ երկու խմբակի բաժնուած եօթը խումբի։
Ստորեւ՝ խմբակային բաժանումները եւ արդիւնքները.-
Ա. ԽՄԲԱԿ
1. Արցախ
2. Արեւելեան Մ.Ն.
3. Լիբանան
4. Աւստրալիա (1)
 
Խմբակային արդիւնքներ
Արցախ - Աւստրալիա (1) 64-33
Արեւելեան Մ.Ն.-  Լիբանան 28-60
Լիբանան - Արցախ 51-67
Աւստրալիա (1) - Արեւելեան Մ.Ն. 44-35
 
Խմբակային դասաւորում
1. Արցախ 4 կէտ
2. Լիբանան 3 կէտ
3. Աւստրալիա (1) 3 կէտ
4. Արեւելեան Մ.Ն. 2 կէտ
 
Բ. ԽՄԲԱԿ
1. Արեւմտեան Մ.Ն.
2. Գահիրէ
3. Աւստրալիա (2)
 
Խմբակային մրցումներ
Արեւմտեան Մ.Ն. - Աւստրալիա (2) 57-55
Արեւմտեան Մ.Ն. - Գահիրէ 80-44
Աւստրալիա (2) - Գահիրէ 76-43
 
Խմբակային դասաւորում
1. Արեւմտեան Մ.Ն. 4 կէտ
2. Աւստրալիա (2) 3 կէտ
3. Գահիրէ 2 կէտ

Երկու խմբակներու առաջին դիրքերը գրաւող խումբերը (Արցախ եւ Արեւմտեան Մ.Ն.) ինքնաբերաբար հասան կիսաւարտական, մինչ իւրաքանչիւր խմբակի երկրորդ դիրքը գրաւող խումբը պարտաւորուեցաւ մրցիլ միւս խմբակի երրորդ դիրքը գրաւող խումբին դէմ՝ ճշդելու համար կիսաւարտականի հասնող երրորդ եւ չորրորդ խումբերը։
 
Խմբակներու Բ. եւ Գ. դիրքերը
գրաւողներու մրցումներ
Լիբանան - Գահիրէ 58-47
Աւստրալիա (1) - Աւստրալիա (2) 29-54
 
Կիսաւարտական
Արցախ - Աւստրալիա (2) 35-68
Արեւմտեան Մ.Ն. - Լիբանան 78-35
 
Երրորդ դիրքի մրցում
Լիբանան - Արցախ 61-47
 
Աւարտական
Արեւմտեան Մ.Ն. - Աւստրալիա (2) 73-48
 
ԸՆԴՀԱՆՈՒՐ ԴԱՍԱՒՈՐՈՒՄ
1. Արեւմտեան Մ.Ն.
2. Աւստրալիա (2)
3. Լիբանան